يسقط يسقط حكم العسكر
كل اللي شفته من يشاعات العسكر كوم, واللي حصل في فجر 12/20/2011 كوم تاني
كانت مجزرة ومذبحة بمعنى الكلمة, حتى لما كان اذان الفجر شغال
موقفوش ضرب المتظاهرين, الشهداءخمسة في ساعة زمن, بالاضافة لعشرات المصابين
والتحرير كان اشبه بالشوارع ف ايام عيد الاضحى كله دم
اصابات كتير جداً لا تحصى
وطبعاً بما انه الفجر فالعدد كان قليل, ومفيش اعلام بيصور
الناس اتقتلت واتصابت والكلاب لن لا زبنا نحتسب شهداءنا في الجنة
العسكر لم يعترفوا بالثورة , بل بيحاكموا ويصفوا الثوار
لكن ابطال وشجعان مصر مش هيستسلموا غير الكلاب اللي اتعروا ادام كل العالم
فيديو الاصابات بالرصاص الحي فجر الاثنين ١٩ ديسمبر
صور لبعض الأحداث والمصابين
العسكر فاكر انه كدا بيرهبنا.. العسكر فاكر ان كدة هنطاطي العسكر فاكر ان كدة هنخلص
كل شهيد بيموت بيغلي له اهله واصحابه ومعارفه وبينزلوا والاعداد هتزيد
وهنفضل ننزل الميادين وهنفضل نطالب باسقاط حكم العسكر
يسقط يسقط حكم العسكر
انهاردة ف يوم التدوين ضد العسكر
مفيش حد هيسكت
اعملوا مؤتمر صحفي اعملوا بيانات ولقاءات
اعملوا اللي تعملوه خلاص
ايديكم ملطخة بدماء مئات الشهداء في احداث يونيو, ويوليو, وماسبيرو, ومحمد محمود
ومجلس الوزرا دلوقتي
ملعونين ف كل كتاب وكل انسان مصري شريف حر الدم بيقاومكم
لا تصالح مع العسكر .. لا تصالح مع العسكر
هنفضل نخرج لحد ما يسقط حكم العسكر
كلاب العسكر لحاسين البيادات مش هيخلونا نرجع .. كاذبون ماسبيرو مش هيخلونا نرجع
ما دام الحق في صفنا مش هنرجع .. هنفضل دايماً قدام
ومتتخيلوش للحظة ان فينا حد هيخاف من رصاصكم ... حد برضه بيخاف من الجنة يا هُبل!!؟
جيش مصر يدافع عن المصريين .. جيش مصر مش مرتزقة طنطاوي والمجلس
وكل واحد ضرب المتظاهرين فهو لا يمثل مصر في اي شيء
وانا كمواطن مصري اكرر اعلاني ان المجلس العسكري لا يمثلني ف اي شيء
اقتل واحرق واضرب نار .. زود جرايمك يا مجلس العار
تهمك بقت جرائم حرب . مش مجرد انتهاكات
وبرضه هنفضل نهتف وبرضه نقول بعلو الصوت
يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر يسقط يسقط حكم العسكر
