من زمان واحنا بنتكلم ع الاتفاق بين الاخوان والعسكر
وانهم مظبطين كل حاجة مع بعض بس سايبين الطبخة تستوي
وده اللي فعلاً بدأ يوضح ويظهر واحدة واحدة.
------ كل ما ستقرأينه/ ستقرأه رؤية شخصية وتفسير لسلسة احداث من وجهة نظري
قد اصيب وقد اخطأ ! والله اعلم ------
اول حاجة لقينا ناس كتير بتترشح هنقول الاسامي اللي معروفة
البرادعي, ابو الفتوح, حازم ابواسماعيل, حمدين صباحي, بثينة كامل, سليم العوا, احمد شفيق, عمرو موسى وعمر سليمان مع حفظ الالقاب
فبدأنا نشوف مين هيلم اصوات ومين فعلاً ملهوش اي فرصة حقيقية تذكر !
اكتشفنا ان البرادعي ليه صوت الشباب والناس اللي نزلت الثورة معاه او جزء كبير منهم
ابو الفتوح ليه جزء كبير من اصوات شباب الاخوان واعضاء الجماعة كونه واحد منهم
حازم ابواسماعيل سيدعمه حزب النور والسلفيين باعتباره سلفي
حمدين صباحي, بثينة كامل, محمد سليم العوا ليس لهم اي فرص!
احمد شفيق, عمرو موسى, وعمر سليمان هياخدوا اصوات جماعات انا اسف يا ريس ومؤيدي العسكر واتباع العُكش
وبعدين اتفاجئنا بانسحاب البرادعي اللي لغبط حسابات كتير وكان يشير في بيان الانسحاب لاتفاقات دنيئة ! وتقريباً هو كان يقصد اللي كلنا قاصدينه
فتفتت اصوات البرادعي لصالح ابو الفتوح اغلبها وبعضها لصباحي وبعضها لابو اسماعيل
فاصوات ابو الفتوح كترت وده هيبقى مصدر قلق للعسكري
فظهر الخلاف بين الاخوان والعسكر, ليه علشان نشوف ان خطوات الاخوان اللي جاية ضد العسكر وينفذها الشباب !! لكن ف الحقيقة هو اتفاق خبيث ودنيء
كون الاخوان محافظيين بطبعهم محدش يصدق انهم يثوروا على العسكر ولوحدهم كمان!
وبعدين تم ترشيح خيرت الشاطر ! وياخذ من نصيب ابو الفتوح كتير
وبعدها على طول يطلع بيان من حزب النور يؤكد دعم الشاطر رسمياً ياخد من اصوات ابو اسماعيل
وبعدين تظهر مفاجأة ان ابو اسماعيل مينفعش يترشح اصلاً لإن امه كانت امريكية
اظن ان دي حاجة ش صعبة ان العسكر يعرفها او الاخوان ! لإن ابواسماعيل كان نازل انتخابات 2005 لمجلس الشعب عن الاخوان
فتختفي اصوات ابو اسماعيل تماماً فيبقى السلفيين اللي كانوا مؤيدين له اصلاً
هيأيدوا خيرت الشاطر وده لأكتر من سبب
1- ان حزب النور السلفي بيدعمه فاعضاء الزحزب هيلتزموا بالقرار
2- انه مرشح الاخوان المسلمين ومفيش شباب ثوري هيرشحه
3- اسم قديم ومعروف
4- هيقولوا غني وشبعان مش هيسرقنا ! مع ان اللي بيسرق الشبعانين والله الغلابا ما بيسرقوا
وفجأة نسمع دلوقتي عن انسحاب عمر سليمان!
فاصوات عمر سليمان هتتوجه كلها لشفيق وعمرو موسى اللي اصلاً بيدعمه حزب الوفد دلوقتي
فمن الممكن ومن الواضح ان مرشح العسكري دلوقتي عمرو موسى اما مرشح الاخوان الشاطر
وابوالفتوح فرصته قلت تماماً بعد زيادة اصوات الاخرين !
ويجب ملاحظة ان في محافظات كاملة اخوانية مصر كله هينتخب فيها الشاطر
فبالتالي هيحصل حل من اتنين
اما الشاطر ينزل يكسب او ينزل اعادة
لو نزل اعادة هينزل مع ابو الفتوح او عمرو موسى !
لو نزل مع ابو الفتوح الناس اللي انتخبت عمرو موسى هتنتخب الشاطر علشان مينتخبوش واحد هينتخبه شباب الثورة
لو نزل اعادة مع مع عمرو موسى الناس اللي انتخبت ابو الفتوح من شباب الثوار هيرفضوا واحد فلول ! وده اغلبهم وخصوصاً ان في ناس شايفة انه فعلاً الاخوان على خلاف مع العسكر مش اتفاق
يعني خيرت الشاطر رئيس لمصر !
ودي الستارة اللي هيستخبى وراها العسكر يعني ايام مبارك كان في 20 عسكري بيحكموا مصر
دلوقتي هيبقوا 19 عسكري ومكتب ارشاد !
وماشيين بالمصالح المشتركة طبعاً !! ومحدش يقولي التاريخ بيقول ان الاخوان والعسكر بيكرهوا بعض !
مفيش حاجة اسمها تاريخ ف السياسة ... المصلحة بتلعب الدور الاول والاخير
سكيتزوفرينيا ... مرض عقلي خطير
بيكون فيه المريض غير قادر على التفريق بين ما هو حقيقي (واقعي) وافكاره الشخصية (الخيال)
احد اهم اسباب مرض الاسكيتزوفرينيا ان المواد الكيميائية الناقلة لاشارات الاعصاب ف المخ بيحصل فيها خلل
وهو ده المرض اللي اصيب به معظم الشباب المصري ف الفترة الاخيرة وخصوصاً بعد انسحاب البرادعي من سباق الرئاسة
لإنهم اتصدموا ان بعد سنة من الثورة للاسف مفيش مرشح رئاسي واحد ثوري له فرصة تذكر -مع الاحترام الكامل للاستاذ حمدين صباحي- وهذا الاحترام شخصي جداً مني له
اضافةً ان في ناس كتير اوي احنا فاكرينهم ثورجية واحنا اصلاً مخدوعين فيهم وده مش كلامي انا
فكانت النتيجة ان الشباب اتجنن
ازاي نعمل ثورة ومتلاقيش منها شيء ايجابي واحد بعد مرور اكتر من سنة
على اعتراف الجميع بها سواء مجتمعات داخلية او خارجية وان هذه الثورة مستمرة
فاتجهوا لترشيح ابو الفتوح ! قال يعني ده ثوري
عبدالمنعم ابو الفتوح اخواني منذ ان كان طالب جامعي
معروف عنه الفكر المحافظ وتقريباً هو قال كدة
ازاي ده يبقى مرشح ثورة !!
ويقولوا قال ايه عبدالمنعم ابو الفتوح قدم استقالته من الجماعة
طب ما خيرت الشاطر كمان قدم استقالته من الجماعة
شخصياً لا ازايد على ابو الفتوح او خيرت الشاطر
مش عاوز اتكلم على الاشخاص بشكل مستفيض
لكن كون ان اليأس يوصل بالشباب لمرحلة الجنون اللي بيدي امل وطموح
وكون ان الشباب فقدوا القدرة على التفرقة ما بين ما هو اخوان وما هو مش اخوان
وبناءً على اساس ان القوى الثورية وشباب الثورة معارضين تماماً للاخوان ورافضين سياستهم
من بعد 9مارس واستفتاء التعديلات الدستورية
نقدر نوصل لنتيجة ان كل الشباب اللي تحولوا فجأة من دعم البرادعي الى ابو الفتوح
جاء هذا التحول نتيجةً لاصابتهم بالسكيتزوفرينيا
وهي مقدمة الموضوع :))
كتير من الشباب المؤيدين ابو الفتوح تقريباً 90% هنا على تويتر كانوا هيرفضوه لو متفصلش من الجماعة, لمجرد تابعيته للاخوان لكن طالما اتفصل م الجماعة خلاص ممكن نأيده ونوافق عليه وننتخبه ونرشحه انا مش ضده شخصياً ف حاجة او ف اي حد يأيده, كل انسان ليه رأيه وهو حر فيه
لكن الشباب بقى عندهم سكيتزوفرينيا بشكل غريب رفض مطلق للاخوان وخلاص -انا معارض الاخوان في معظم مبادئهم- هو فكره مش هيتغير ولا مبادئه
وبرنامجه واسلوبه وسياساته فالكام شهر اللي انفصل فيهم عن جماعة الاخوان المسلمين انتوا ليه منافقين نفسكم! ويقولوا ابوالفتوح غير الاخوان ف ايه طيب ؟ واحد من يوم ما قال يا سياسة وهو اخوان!
انا مختلف مع الاخوان ف حاجات كتير اوي وعلشان كدة مختلف مع ابو الفتوح برضه لنفس الاسباب
انا قريت ف برنامج ابوالفتوح وفي حاجات كويسة, لكن سياسياً كمبادئ سياسة انا مختلف معاه
بس علشان انا اتخنقت من كتر الناس اللي بتقول ابو الفتوح غير الاخوان هو منهم ولومتفصلش كان اترفض وكان سااعتها لو سألت حد انت ليه مش عاوز تسمع برنامج ابوالفتوح او رافضه ليه هتلاقي جواب تلقائي .. ده اخوان! وانا بقول انا رافض ابوالفتوح لإنه اخوان, حتى لو مش ف الجماعة او الحزب هو ده تفكيره وهو ده انتمائه وهي دي سياسته
انا تقريباً مش هنتخب حد لإن مفيش حد اترشح كفء للانتخابات دي
لكن ده شرح موضوع ابوالفتوح من وجهة نظري
واحدة من اهم عيوب النظام التعليمي في مصر هو الناس
ايوة الناس .. انا وانت وانتي واغلب ان لم يكن كل المصريين
منتشر عندنا ف مصر من زمان اوي فكرة الشهادة ..! تلاقي الام بتقول لصاحبتها او جارتها لازم ابني ياخد شهادة
وتلاقيها بتقول للابن او للبنت لازم تتعلم وتاخد شهادة عالية علشان نفرح بيك
ونعرف نجوزك
فبقت الشهادة الجامعية في حد ذاتها هدف, بقى مش مهم اي شيء غيرها
لما يبقى كل سنة في 300 او 400 الف داخلين كليات ومعاهد
هيعملوا ايه !؟ ولما يبقى كل دول دكاترة وصيادلة ومهندسين ومحاسبين ومتجرمين وفندقيين
ومدرسين
مين اللي هيبقى نجار ومين هيبقى سباك ومين هيبقى خياط ومين هيبقى بياع
ف بيكون في نسبة بطالة كبيرة وناس كتير مش لاقية شغل
هما اللي بيشتغلوا المهن دي
ويبقى خريج كلية كويسة وشغال بياع او سواق ميكروباص
طب ليه؟
ويبقى حاسس بالقهر والذل لإنه ضاع من عمره سنين ف تعليم مش مفيد ولم يعطيه اي شيء ف حياته غير الشهادة
التعليم لازم يتحول لنظام تنمية مهارات مش كلام على ورق
التعليم الفني اهم من التعليم الاكاديمي , لإن التعليم الفني هو ده اللي بيخرج كل ما يحتاجه الناس من مهن اجتماعية بتكون في حياتنا كل يوم
بيكونوا متخصصين ومتعلمين
الدراسات الاكاديمية بتكون موجودة مش مجانية ومش لكل الناس
مينفعش كل سنة يطلع 100 الف مهندس و 15 الف دكتور و12 الف صيدلي و200 الف محاسب
ارقام مهولة وبنسأل ليه التعليم بايظ !؟ وليه مفيش شغل ؟
لإن مفيش مجال هيوفر فرص عمل لكم الناس اللي بتتخرج من الكليات عندنا
دي حقيقة لازم نعترف بيها
المظاهر الكدابة كانت احد عيوب النظام التعليمي اللي جابنا ورا
بقينا على بوادر ازمة بنزين جديدة وإذا كنا حقيقي ملحقناش ننتهي من القديمة
واذا كانت مصر بلدنا وناسها وشعبها لسة مش راضيين بتمكن العسكر من السلطة
واذا كان لسة في ناس بتقول يسقط حكم العسكر-سواء بيزيدوا او بيقلوا- هنفضل نشوف ازمات
من ازمة بنزين لأزمة بوتجاز لأزمة نقصان انواع ادوية بالمئات لغلو اسعار ف الكهربا والمياة
مش هتخلص الأزمات وكل ما هتخلص ازمة هيطلع غيرها
وكل ما هيوهموا الناس ان الازمة الموجودة اتحلت هيطلع غيرها
بكل بساطة العسكر بيحاولوا يفرجوا الناس على المشاكل اللي هتحصل في حالة غيابهم عن السلطة
العسكر بيزودوا الازمات علشان يخوفوا الناس, العسكر بيرهبوا الناس بالمشاكل
بيخوفوهم بالنقص والحرمان, بيتعبوهم ويقرفوهم علشان الناس تكره الثورة
علشان الناس تقول كنّا مرتاحين من غيرها
عاوزين الناس تندم على انهم عملوا ثورة
عاوزين الناس تقبل بوجودهم عاوزين الناس تسمع للعسكر وتحبهم
زيها زي اي ازمة البنزين اللي فاتت اتحلت بدون مشاكل بس بعد ما تعرف الناس قيمة بقاء العسكر
بيحاولوا يوهموا الناس ان بقائهم ف السلطة نعمة لمصر
! واللي بيخاف من الموت انسان ميت بالفعل
الموت ساعة ... الخوف هو موت كل ساعة
يسقط يسقط حكم العسكر
واهم حاجة ان مصر لن تركع !! هع هع قال لك لن تركع
فعلاً المصريين لن يركعوا وسيرحل العسكر وستسقط دولتهم
