سر النظام التعليمي في مصر

سر التعليم في مصر يثبت فعلاً اننا بلد تمتلك من القدرات العقلية المستعدة للابداع بشكل يفوق الوصف,في كل المجالات والاتجاهات

لإن من الصعب جداً وتقريباً مُستحيل -بس حصل - ان حد يقدر يعمل منظومة تعليمية بالشكل ده صحيح فشلت مع عدد, لكن نجحت مع اعداد كبيرة, بل اجيال كمان
اجيال كاملة من المصريين تم تهميشها من خلال سر المنظومة التعليمية

نظام التعليم في مصر عامل زي المصفة ..بيفرق بين انواع الطلبة ويفصلهم من وهم اطفال صغيريين بشكل دقيق جداً

وبيقوم اصلاً على نظام تقفيل الدماغ والغاء عقل الطالب منذ نعومة اظافره وتوجيهه للبعد عن اسلوب التفكير المنطقي , وبيبعده كمان عن القراءة والثقافة

بتطلع الطلبة بعد اول كام سنة تعليم لعدة انواع مختلفة

منهم اللي بيكره المدرسة والتعليم والدنيا وبيتحول ف المستقبل لشاب فاسد تلفان جاهل تماماً بكل شيء وبتهرب منه الدنيا خالص حتى لو قدر يتخطى المراحل التعليمية المختلفة فهو ف الواقع انسان مُهمَش تماماً

وفيه اللي بيبقى نفسه يتعلم لكن مش قادر يتماشى ويواكب نظام التعليم مع انه بيحب العلم لكن بيشعر بفشل ذريع بيأدي انه بتتبخر منه اماله وطموحاته ومش بيقدر يحقق اي شيء وبيفشل في كل اللي بيتمناه في حياته وبتتحول حياته بالنسبة ليه لكابوس يومي عايش فيه

لكن في ناس بتبقى ليهم قدرات عقلية قوية, وبيقدر يتماشى مع نظام التعليم ودول بيتقسموا نصين

, النص الاول بيتكفوا على الكتب ليل ونهار وبيوصل لأنه ميعرفش يعمل اي حاجة غير المذاكرة وبس
لكن ده بيطلع افقه محدود جداً وضعيف فكرياً وجاهل لحاجات كتير اوي فالحياة وفاقد للوعي العام
وطبعاً بينتهي بيه الحال لكلية من كليات القمة اللي بيتكفى فيها برضه ع المذاكرة لإنه تعود على التفوق ولإن التفوق ف كلية زي ي بيحتاج مذاكرة وقعدة اكتر من ما مضى وبيتخرج للحياة العملية من الشغل للبيت ومن البيت للشغل ومش فاهم اي حاجة تانية

اما النص التاني بقى دول بيفهموا ان لازم يوسعوا افقهم ويتوسعوا ف العلم وان الحياة مش بتقف عند اللي بيشوفوه ف الدراسة وان ده مش كل العلم وان نظام التعليم فاشل فده بيوصل لحاجة من اتنين

اما انه وهو ف ثانوي مش بيدخل الكلية اللي هو بيحبها فييأس وتتحطم طموحاته ويفشل, او انه يحس انه لازم يكافح طالما مدخلش الكلية اللي بيحبها وبيتعب ف اي حاجة يحاول يحبب نفسه فيها وخلاص وبيتحول لانسان عملياً فاشل لكن فاهم, بس هيعمل ايه بافهم مع غياب القدرة على التطبيق

بيبقى في فلتات منهم بيدخل الكلية اللي نفسه فيها واللي غالباً ما بتكون احد كليات القمة طبعاً وبيفهموا الحياة ماشية ازاي وبيبقى افقهم مش ضيق ولا حاجة, لكن دول غالباً بيفشلوا جوة الكلية
او على الاقل بيقل مستواهم جداً فبيتسلل ليهم احساس من الفشل والاحباط لو سيطر عليهم بينتهوا تماماً و يفشلوا بشكل كبير وبرضه بيكون ضعيف جداً ف الحياة العملية لإنه هيخرج من الكلية وكأنه مدخلش

نادراً ما بيكون في حد بيقدر يواكب كل شيء ويتماشى مع النظام ويطلع انسان كويس دول عدد نادر جداً لكن الحمدلله ان في منهم ولو حتى بنسبة 1في ال10 الاف