سر البالالم

سر البالالم

Wednesday, December 14, 2011

مايكل نبيل .. سجين الرأي

انهاردة وبكل اسف ... اتحكم على مايكل نبيل سنتين سجن وغرامة 200 جنيه بتهمة توجيه الاهانة للمؤسسة العسكرية
مايكل نبيل ...سجين رأي جديد سواء اختلفنا معا ارائه او اتفقنا معاها فهو سجين رأي
رفض ان يستسلم او ينصاع لأوامر وتمسّك برأيه فلا يزال هؤلاء يريدون كسر شوكة كل من يتمسك برأيه ويقف امام كل ما يراه ظُلم فسجنوه ليحنوا ظهره

مايكل اتسجن بسبب التدوينة المشهورة بتاعة الشعب والجيش عمرهم ما كانوا ايد واحدة
وقال ان الجيش مدّ الشرطة بذخيرة حية يوم جمعة الغضب الاولى علشان يقتلوا الناس
بغض النظر عن اي شيء بغض النظر عن كون كلام مايكل صح او غلط
برغم ان كلنا عارفين ان خطة احباط الثورة كانت مكونة من جزء واحد وهو تولي المجلس العسكري شئون البلاد
بغض النظر عن كونك عزيزي القارئ متفق معاه ولا لأ .. فهو اتظلم والآن لدينا مظلوم اخر في عتمة الزنزانة بسبب حرية رأيه

وكما قال الخال الابنودي .." طوبى لكل المسجونين باطل في زمن بيخدعنا وبيماطل" لازم نتفق على انه مظلوم
ولازم نتفق على ان حقه لازم يرجع ولازم نتفق على اننا لازم ننصره ولو حتى بقلوبنا

لا يختلف من وجهة نظري مايكل نبيل عن علاء عبدالفتاح, خالد سعيد و سيد بلال
وغيرهم مئات وربما يكونوا الاف اتظلموا

مش معنى اني مُختلف معاه ف الرأي إني اسيبه او ابيعه او انساه او انسى حقه عليا كانسان مظلوم .. او ان اي حد يظلمه بكلمة :"يستاهل" او "احسن هو اللي جابه لنفسه"
لإن زمان اللي كان بينزل يصلي الفجر ف المسجد شهرين كان بيتعمله ملف وممكن يتسحل ويتبهدل لمجرد انه بيصلي الفجر ف المسجد!!

كل مظلوم من حقه علينا اننا ننصره حتى لو مش متفقين معاه او مش بنحبه
قال تعالى :"يا أيُها الذينَ آمَنوا كُونوا قوّامِينَ لِلهِ شُهدَاءَ بِالقسْطِ ولو عَلىَ أنْفُسَكُم ولا يَجرِمَنّكُم شَنَئانُ قَومٍ عَلىَ ألا تَعْدِلوااِعْدِلوا هوّ أقربُ لِلتقوىَ واتقوا اللهَ ان اللهَ خبيرٌ بِما تَعملون"

متضامن تماماً مع مايكل .. واتمنى ان يخرج من سجنه الظالم
وربنا قادر ينتقم من كل من اراد حبس الكلام في افواهنا

الحرية لمايكل نبيل

No comments:

Post a Comment