سر البالالم

سر البالالم

Saturday, December 10, 2011

ضد التفاؤل

ضد التفاؤل


مش لإني مُتشائم او اني واقعي زيادة عن اللزوم او اني مش متعشم خير
بالعكس .. انا متعشم خير اوي, انا مش متشائم اوي
لكن لسة ضد التفاؤل
لازم كلنا نكون واقعيين .. مش اوي يعني ولكن يجب ان يكون هناك درجة من الواقعية
مثلاً مش ابقى شغال موظف حكومي واحلم ابقى مليونير

ليه ضد التفاؤل ؟ ... لإن الفترة الكبيرة اللي فاتت مفيهاش حاجة تدعو للتفاؤل

المجلس العسكري استطاع بشكل غريب انه يقلب الترابيزة ويبدل كراسي مع الثوار
فأصبحت الثورة والثوار هم من يهددون امن واستقرارالبلاد
واختفى الاتهام تماماً عن العسكر في انهم من يخربون مستقبل البلاد

وكأنه اصبح عادي جداً ان يموت كام واحد اثناء فض الاعتصام, هما كام نعش
على كام جنازة .. وطبعاً لازم نشكر المواطنين الشرفاء

وتقرير طب شرعي زائف نقنع اهل الشهيد بالامضاء عليه
اما بالترغيب او بالترهيب

فما كان من اهل الشهيد بهاء السنوسي ف اسكندرية الا ان مضوا على تقرير الطب الشرعي
اللي كان فيه كلمة "جسم صلب" بدلاً من رصاصة حية
ويضيع حق الشهيد لإن اكرام الميت دفنه!!!

حسبي الله ونعم الوكيل في كل من اهدر حق الشهيد

استمال العسكر الناس البسطاء واصبح الثوار شوية عيال فاضية
وبنات تُوجَه اليهم عبارة :" ما انتوا لو متربيين مش هتنزلوا من بيوتكم" وكأن نسينا حق اللي ماتوا

وكمان بياخدوا ناس من النُخبة في صفهم . لينعتهم الجميع بالوطنية ولديمقراطية والاخلاص بينما هم يسعون خلف المصالح الشخصية ونهش ما تبقى من بلدنا

ليه ضد التفاؤل !؟ لإن بعد كل الشباب اللي اتحاكموا عسكرياً واخدوا سنين السجن زور وظلم
لسة مفيش اي ظابط واحد اتحكم عليه حكم في قضايا قتل المتظاهرين

ايوة ضد التفاؤل لكن لسة الأمل موجود

وإن كان علاء عبدالفتاح في عتمة الزنزانة ... فكلنا لقينا خالد بيشوف النور
وهيجي اليوم اللي مصر كلها تشوف فيه النور

No comments:

Post a Comment