اول ما اي حد يسألك وانت بتتكلم عن البنات اللي اتبهدلت
س/ لو هما بنات محترمة اوي ايه اللي نزلهم ؟
ج/ اصل الرجالة لا مؤاخذة قاعدين ف البيوت
الشباب اللي اتبهدلوا
س/انت فاكر ان الشباب دول شباب 25 يناير؟
ج/وهوانت فاكر ان الجيش اللي سحلنا ده جيش 6 اكتوبر !!؟
س/ انت عارف مين اللي بدأ الأول ؟
ج/البيضة الاول ولا الفرخة؟
س/ انت متعرفش ان اللي الامن عمله رد فعل ؟
ج/ وانت فكرك ان ده رد فعل مقبول
س/ انتوا ليه مش عاوزين تهدوا وتسيبوا البلد تتقدم ؟
ج/وهو لما يجيبوا غاز ورصاص مطاطي وخرطوش وحي بفلوسنا يبقى ده تقدم ؟
س/ انتوا بتنزلوا مظاهرات ليه ؟
ج/علشان لا مؤاخذة عندنا كرامة وبتنأح علينا
س/ انتوا ازاي مش قادرين تفهموا ان البلد محتاجة للامن والاستقرار ؟
ج/الحيوانات ف الاقفاص بيبقى عندهم امن واستقرار بس بيبقى ناقصهم كرامة وحرية
No comments:
Post a Comment